WAKANDARASI WATAKAOJENGA MIRADI YA MAENDELEO CHINI YA KIWANGO KUNYIMWA TENDA HALMASHAURI

Mbunge wa Jimbo la Shinyanga Steven Masele katika Mwenye flekta ya Zambarau akitoa maelekezo kwa Mashauri wa Mradi wa ujenzi wa barabara tanroad kwa kiwango cha Lami Km 2.3 aliyepo kulia kwake Paulo Saitabau kuwa barabara hiyo ijengwe kwa kiwango bora .

 

Mbunge Steven Masele akiendelea kutoa Ushauri wa Ujenzi huo wa barabara kwa Kiwango cha Lami kujengwa kwa kiwango kinachotakiwa.

Mbunge Masele akipiga picha ya Pamoja na wakandarasi wa ujenzi huo wa Lami Chini ya Tanroad

Mbunge Steven Masele akisikiliza maelezo ya msimamizi wa ujenzi wa Barabarani kwa kiwango cha Lami katikati ya Mji wa Shinyanga Godfrey Set  ujenzi wa km 4.4 na kumuahidi ujenzi huo utakamilika juni 30 mwaka huu kwa kiwango kinachotakiwa  kudumu kwa muda mrefu na baada ya hapo kujenga barabara zingine za km 7 zilizo salia na kufanya idadi kuwa km 13 ambazo zitagharimu bilioni 15.4

Ukaguzi wa barabara za katikati ya Mji wa Shinyanga ukiendelea

Ukaguzi ukiendelea huku wakibadilishana Mawazo

Ukaguzi wa barabara kwa kiwango cha Lami katika ya mji ukiendelea huku kazi ikifanyika

Ukaguzi Mwingine wa ujenzi wa Matundu ya choo 18 katika Shule ya Sekondari Masekelo Manispaa ya Shinyanga

Mbunge wa Jimbo la Shinyanga Mjini Mheshimiwa Stephen Masele akiwa na mkurungezi wa halmshauri ya manispaa ya Shinyanga Lewis Kalinjuna wakikagua matundu vya vyoo 18 vilivyomalizika kunjengwa katika shule ya sekondari Masekelo iliyopo katika manispaa hiyo.
Zoezi la kukagua matundu ya vyoo likiendelea
Mheshimiwa Masele akikagua choo
Mheshimiwa Masele (kulia) akiteta jambo na mkurugenzi wa manispaa ya Shinyanga Lewis Kalinjuna
 
Mheshimiwa Masele na mkurugenzi wa manispaa ya Shinyanga wakielekea kwenye eneo panapojengwa nyumba ya walimu
Mheshimiwa Masele akikagua ujenzi wa nyumba ya walimu ambayo itahifadhi walimu sita itakayokamilika mwezi Julai mwaka huu na kughalimu shilingi milioni 150 ambapo ndipo amebaini matofari na kukoto zinazotumika kujenga nyumba hiyo hayana ubora na kuagiza tofari na kukoto ziondolewe ziletwe zenye kiwango bora. Mheshimiwa Masele akiwa eneo la ujenzi na mhandisi wa ujenzi wa manispaa ya Shinyanga Simon Ngagani .(aliyenyoosha mkono) akitoa maelekezo.
Masele kushoto katikati Mkurugenzi mwisho mhandisi Simon Ngagani (kulia) wakiangalia darasa lililomalizaka kujengwa kwenye shule hiyo ya Masekelo .
Mheshimiwa Masele akiwa nje ya darasa hilo Mheshimiwa Masele akizungumza na wanafunzi wa shule ya Masekelo na kuwataka wasome kwa bidii il iserikali hapo baadae ipate wataalamu wake pamoja na kufanikiwa katika maisha yao na kusaidia wazazi wao.
Mheshimiwa Masele akizungumza na wanafunzi wa shule ya Masekelo na kuwataka wasome kwa bidii il iserikali hapo baadae ipate wataalamu wake pamoja na kufanikiwa katika maisha yao na kusaidia wazazi wao.

SOMA HABARI KWA KINA

Mbunge wa jimbo la Shinyanga Mjini Steven Masele ameonya wakandarasi wanaojenga miradi ya maendeleo chini ya Kiwango jimboni  kwake, na kutaka miradi hiyo waijenge kwa hadhi ya juu kulingana na pesa wanazopewa na siyo kuilipua na kuingizia hasara serikali fedha za matengenezo ya mara kwa mara.

Masele alitoa kauli hiyo wakati akikagua Miradi ya Maendeleo inayotekelezwa jimboni mwake na kukuta Mradi Mmoja wa ujenzi wa nyumba ya walimu katika Shule ya sekondari Masekelo ambayo itakuwa na uwezo wa kuhifadhi walimu Sita, kutaka kujengwa Chini ya Kiwango kutokana na Matofari na kokoto kutokuwa na ubora.

Akizungumza wakati akikagua Miradi ya ujenzi huo wa nyumba za walimu, Madarasa Mawili, Matundu ya vyoo 18 katika shule hiyo ya Masekelo, na ukaguzi wa ujenzi wa barabara ya Tanroad km 2.3 na zile zinazojengwa katikati ya mji Km 13.1 na kuwataka wakandarasi wote kujenga Miradi hiyo kwa kiwango kinachotakiwa.

“Mkurugenzi mkandarasi huyu anayetaka kujenga nyumba hii ya walimu Chini ya kiwango, kwanza Tofari na hizi Kokoto aziondoe aweke tofari zingine tena na ujenzi wake asimamiwe kikamilifu maana asije akalipua kazi na hapo baadae nyumba hii ikaja kuleta maafa,” alisema Masele na kuongeza kuwa

“Pia naagiza wakandarasi wote wanaotekeleza miradi ya Maendeleo kwenye jimbo langu waijenge kwa kiwango kinachotakiwa na siyo kulipua kazi ili miradi hii ipate kudumu kwa muda mrefu na kutekeleza miradi Mingine ambayo itaondoa kero kwa wananchi na kuufanya mji wa Shinyanga kuwa wa Kisasa na kukua kiuchumi.”

Naye Mkurugenzi wa halmashauri hiyo ya Manispaa ya Shinyanga Kalinjuna Lewis amesema Mkandarasi anayejenga nyumba hiyo ya walimu alisha mwambia aondoe Tofari hizo na Kokoto lakini amekuwa mkaidi, huku akibainisha kwa Mkandarasi atakaye jenga miradi chini ya Kiwango atakuwa amejiondoa kupata kazi tena .

Na Marco Maduhu ambaye pia ni Mwandishi wa Theguardian na Nipashe- Shinyanga