NYUKI WAVAMIA MAKABURINI WASHAMBULIA WAZIKAJI, WANG'ATWA MIDOMO

Katika hali isiyo ya kawaida nyuki wa ajabu wameibuka na kushambuliwa waombolezaji muda mfupi tu baada ya mwili wa Msanii wa nyimbo za asili maarufu kwa jina la Kalanga "Ng'wana Kolagwa" kufikishwa katika kaburi lake.

Msanii Kalanga alifariki dunia siku ya Jumatano Februari 21,2018 majira ya saa 11 alfajiri nyumbani kwao katika kijiji cha Chambo - Mwamakumbi Nzega mkoani Tabora baada ya kuugua muda mrefu.

Mazishi yamefanyika jana Alhamis Februari 22,2018 nyumbani kwao majira ya saa moja usiku baada ya waombolezaji kushindwa kumzika marehemu saa nane mchana kutokana na kuvamiwa na kundi la nyuki.

Inaelezwa kuwa baada ya mwili wa marehemu kufikishwa katika kaburi kwa ajili ya mazishi,ghafla walitokea nyuki na kuanza kuwashambulia waombolezaji na kusababisha taharuki kubwa kila mmoja akitafuta mahali pa kujificha.

Hata hivyo baada ya balaa hilo la zaidi ya saa tatu wazee walifanya tambiko na kufanikiwa kumzika marehemu.

Mbali na tukio hilo kuhusishwa na imani za kishirikina/kichawi ,Wataalamu wa mambo wanasema mila na desturi za uzikaji wa ma manju/wasanii wa nyimbo za asili zilikiukwa.

ANGALIA PICHA HAPA CHINI