WALIMU WA SEKONDARI KUPELEKWA KUFUNDISHA MSINGI

Katibu Mkuu, Ofisi ya Rais, Menejimenti ya Utumishi wa Umma na utawala bora Dkt. Laurean Ndumbaro akiwa katika kikao kazi na watumishi wa Halmashauri ya Mji wa Makambako.

SOMA HABARI KAMILI

Katibu mkuu ofisi ya Rais Menejimenti ya Utumishi wa Umma na utawala bora Dkt Laurean Ndumbaro, amesema walimu wa Shule za Sekondari kupangiwa kufundisha Shule za msingi ni moja ya hatua katika kuleta ufanisi na mgawanyo sawa wa walimu katika shule hizo.

Amsema  hatua hiyo ya walimu wa Sekondari kupelekwa kufundisha msingi haimaanishi kuwa  ndio wameshushwa vyeo.

Dk Ndumbaro ametolea ufafanuzi huo katika kikao kazi na watumishi wa halmashauri ya mji wa makambako, na kusisitiza kuwa  lengo la serikali ni kuondoa upungufu wa walimu katika shule za msingi, na kuimarisha utoaji wa elimu hapa nchini.

Amesema mabadiliko hayo yasionekane ni jambo la ajabu kwa mwalimu wa Sekondari mwenye kiwango cha Shahada kwenda kufundisha shule ya msingi.

Aidha amewaambia watumishi  hao wa umma, maendeleo katika sekta yeyote ikiwamo ya elimu yanakuja na mabadiliko, hivyo wapokee mabadiliko na kufanya kazi iliwafikie malengo.

TAZAMA HABARI PICHA HAPA CHINI

Mmoja wa watumishi wa Halmashauri ya Mji wa Makambako akitumia fursa ya kuwasilisha hoja kwa Katibu Mkuu, Ofisi ya Rais, Menejimenti ya Utumishi wa Umma Dkt. Laurean Ndumbaro (hayupo pichani) wakati wa  kikao kazi mjini Makambako.

Sehemu ya watumishi wa Halmashauri ya Mji wa Makambako walioshiriki kikao kazi na Katibu Mkuu, Ofisi ya Rais, Menejimenti ya Utumishi wa Umma Dkt. Laurean Ndumbaro (hayupo pichani). Watumishi walipata fursa ya kuuliza masuala mbalimbali ya kiutendaji na kupewa ufafanuzi.                                                                                  

IMEANDALIWA NA MENEJIMENTI YA UTUMISHI WA UMMA NA UTAWALA BORA.